Úsh qazaqstandyq boksshy WBA reıtıngisinen shyǵaryldy
ASTANA. QazAqparat – Dúnıejúzilik boks qaýymdastyǵy (WTA) barlyq salmaq dárejesindegi jekpe-jekshiler reıtıngisiniń jańartylǵan nusqasyn jarııalady, dep habarlaıdy QazAqparat Sports.kz portalyna silteme jasap.
Nazarlaryńyzǵa reıtıngidegi Qazaqstan boksshylarynyń oryndaryn usynamyz:
Sýperaýyr salmaqta segizinshi bolǵan Jan Kosobýtskıı reıtıngiden shyqty. Ivan Dychko 15-shi bolyp qaldy. Bul sanattaǵy «Sýper chempıon» ataǵy ýkraınalyq Aleksandr Ýsıkke tıesili, reıtıng kestesinde birinshi oryn bos tur, ekinshi qatarda Kongo DR ókili Martın Bakolaǵa, úshinshi oryn amerıkalyq Deonteı Ýaılderge tıesili.
Birinshi aýyr dıvızıonda Qamshybek Końqabaev pen Serik Musadilov burynǵy oryndarynda – tıisinshe úshinshi jáne 15-shi bolyp qaldy. Birinshi orynda kýbalyq ıÝnıel Dortıkos tursa, odan keıin tizimde Shvetsııa sportshysy Badý Djek tur. WBA Super chempıony – frantsýz Arsen Gýlamırıan.
Ekinshi orta salmaqta besinshi orynda bolǵan Aıdos Erbosynuly reıtıngiden shyǵyp qaldy. Bek Nurmaǵanbet bir saty joǵary kóterilip, onynshy boldy. Tizimde birinshi oryndy Kaleb Plant (AQSh), odan keıin Erık Bazınıan (Kanada) men Patrık Makrorı (Irlandııa) aldy. «Sýperchempıon» ataǵy – meksıkalyq Saýl «Kanelo» Alvareste.
WBA Super beldigi Gennadıı Golovkınge tıesili orta salmaqta avstralııalyq Maıkl Zerafa birinshi, argentınalyq ardager Serhıo Martınes ekinshi, al amerıkalyq Ostın Ýılıams úshinshi orynǵa kóterildi. Bul salmaqtaǵy «qarapaıym» álem chempıony – kýbalyq Erıslandı Lara.
Ekinshi jartylaı jeńil salmaqta segizinshi bolǵan Sultan Záýirbek reıtıngten shyǵaryldy. Bekman Soılybaev, kerisinshe, úzdik 15 sportshy tizimine qosylyp, 14-shi orynǵa turaqtady. Úzdik «úshtikke» amerıkalyq kishi Lamont Roých, grýzın boksshysy Otar Eranosıan jáne meksıkalyq sportshy Leo Santa Krýs kirdi. WBA Regular nusqasy boıynsha bul salmaqta álem chempıony - Domınıkan Respýblıkasynyń ókili Ektor Lýıs Garsııa.
Ekinshi jeńil salmaqta Evgenıı Pavlov altynshy orynnan besinshige kóterildi. Reıtıngte Azat Oganesıan (Armenııa) birinshi, Tomokı Kameda (Japonııa) ekinshi, Kevın Gonsales (Meksıka) úshinshi orynda. WBA Super negizgi tıtýlyn ózbekstandyq Mýrodjon Ahmadalıev ıelendi.
Foto: sports.kz
