Úsh qazaqstandyq boksshy alǵash ret IBO reıtıngine ilikti

ASTANA. QazAqparat - Halyqaralyq boks uıymy (IBO) barlyq salmaq dárejesindegi boksshylardyń jańartylǵan reıtıngin jarııalady, dep habarlaıdy Sports.kz.

Nazarlaryńyzǵa qazaqstandyq boksshylardyń reıtıngtegi oryndaryn usynamyz:

Sýper aýyr salmaqtaǵy Ivan Dychko budan buryn 89-shy oryndy ıelense, endi úzdik júzdikten shyǵyp qaldy.

Birinshi aýyr salmaqtaǵy Beıbit Shúmenov 27-den 31-orynǵa syrǵydy.

Jartylaı aýyr salmaqtaǵy Álı Ahmedov 49-pozıtsııadan 33-ke kóterildi.

Ekinshi orta salaqta óner kórsetetin Aıdos Erbosynuly 42-ge joǵarylady (56-orynda bolǵan). Osy sanatta Nurzat Sabyrov 97-shi nómirmen debıýt jasady.

Orta salmaqtaǵy burynǵy álem chempıony Gennadıı Golovkın dıvızıonnyń birinshi qatarynda tur. Meıirim Nursultanov 74-pozıtsııadan 28-ge birden kóterildi. Jánibek Álimhanuly 81-shi bolyp alǵash ret reıtıngke endi.

Birinshi orta salmaqtaǵy Nursultan Jańabaev 78-shi orynǵa ornalasty (95-orynda bolǵan). Sadrıddın Ahmedov TOP-100-di tolyqtyryp, 83-pozıtsııaǵa jaıǵasty.

Birinshi jartylaı orta salmaqtaǵy Batyr Júkembaev 17-orynda tur (ótken aıda - 26-orynda bolǵan).

Jeńil salmaqtaǵy Abylaıhan Qusaıynov 99-orynnan 83-ke kóterildi.