Úsh qazaqstandyq tennısshi Astana týrnıriniń jartylaı fınalyna joldama aldy
ASTANA. KAZINFORM — Astanada Prezıdent kýbogy aıasynda ótip jatqan halyqaralyq týrnırdiń jartylaı fınalyna shyqqan tennısshiler belgili boldy.
Erler arasynda M15 týrnıriniń shırek fınalynda álemniń 627-inshi, osy jarystyń 4-raketkasy, 18 jastaǵy Á.Omarhanov shırek fınalda otandasy ári qurdasy Damır Jalǵasbaımen oınady.
Bul básekede D.Jalǵasbaı sensatsııa jasap, aıqyn basymdylyqpen jeńiske jetti – 6:1, 6:2.
Damır fınalǵa shyǵý úshin álemniń 281-raketkasy, reseılik Petr Bar-Bırıýkovpen talasady.
Taǵy bir qazaqstandyq, reıtıngide 1 686-satydaǵy, bıyl 18-ge tolǵan Zańǵar Nurlanuly shırek fınalda Izraıl ókili Den Brandpen sheberlik baıqasty.
Asa tartysty ótken kezdesýde Zańǵar kambek jasaı bildi – 6:7 (4:7), 6:4, 6:1.
Osylaısha, Z.Nurlanuly sporttyq jolynda alǵash ret eresekter arasynda ITF World Tennis Tour týrnıriniń jartylaı fınalyna joldama aldy. Onyń kelesi qarsylasy – reıtıngide 810-oryndaǵy reseılik Grıgorıı Şebkın.
Áıelder arasynda shırek fınalda qazaqstandyqtar, reıtıngide 1 295-oryndaǵy, 19 jastaǵy Іńkár Dúısebaı men 16-daǵy Eva Korysheva ózara synǵa tústi.
Іńkár osynyń aldynda ekinshi aınalymda álemniń 440-ynshy, osy jarystyń 1-raketkasy, reseılik Ekaterına Maklakovany 6:1, 7:6 (7:3) esebimen jeńip, sensatsııa jasaǵan edi.
Degenmen bul joly E.Korysheva kútpegen jerden І.Dúısebaıdy utyp ketti – 6:3, 6:4.
Eva jartylaı fınalda álemniń 832-raketkasy, reseılik Edda Mamedovadan ótýge tyrysyp kóredi.
Taǵy bir qazaqstandyq, reıtıngide 932-satydaǵy Asyljan Arystanbekova shırek fınalda álemniń 606-raketkasy, reseılik Darıa Zelenskaıaǵa jol berdi – 2:6, 6:1, 2:6.
Sondaı-aq Aııa Nupbaı álemniń 449-raketkasy, reseılik Vıktorııa Mılovanovaǵa ese jiberdi – 3:6, 6:7 (2:7).
Eske sala keteıik, budan buryn Jibek Qulambaevanyń Ispanııadaǵy jarystyń jartylaı fınalynda oınaıtynyn jazǵan edik.
Bıllı Djın Kıng kýbogynyń fınaldyq kezeńine qatysatyn Qazaqstan quramasy anyqtaldy.
