Úsh qalada sanıtarlyq beketter alynyp tastaldy - Qostanaı oblysy
Bir táýlik ishinde óńirde koronavırýstan 418 adam emdelip shyqty. Qostanaı oblysy «qyzyl» aımaqtan shyǵyp, karantın sharalary jeńildeı bastady.
«2020 jylǵy 8 jeltoqsanda Qostanaı oblysynda COVID-19-dyń 74 jaǵdaıy tirkeldi, aýrýdyń ósý qarqyny 1,2%-ǵa deıin tómendedi. Búginde oblys KVI taralý qarqyny boıynsha «sary» aımaqta ornalasqan. Emdelip shyqqan patsıentter boıynsha oń ózgeris baıqalady. Eki táýlik ishinde aýrýhanadan 418 adam shyǵaryldy. Bul sońǵy aılardyń ishinde eń joǵary kórsetkish. Qostanaı oblysynda karantın rejımin buzatyndar sany azaıa bastady. Eger buǵan deıin monıtorıng toby kúnine karantındik jáne epıdemııaǵa qarsy talaptardyń 50-ge jýyq buzylýyn anyqtasa, búginde bul birneshe ese tómendedi», delingen shtab habarlamasynda.
Sonymen qatar Qostanaı, Rýdnyı, Jitiqara qalalarynyń perımetri boıynsha ornalasqan sanıtarlyq beketter alynyp tastaldy. Qoǵamdyq tamaqtaný oryndarynyń jumysyna da ruqsat berildi.