Úsh qalada qoqystan energııa óndiretin zaýyttar 2028 jyly iske qosylady

ASTANA. KAZINFORM — Astana, Almaty jáne Shymkentte qoqystan elektr jáne jylý energııasyn óndiretin úsh zaýytty 2028 jyly iske qosý josparlanyp otyr. Jobalarǵa jalpy somasy 293 mlrd teńge ınvestıtsııa tartý kózdelgen. Bul týraly Ortalyq kommýnıkatsııalar qyzmetinde ótken baspasóz máslıhatynda Ekologııa jáne tabıǵı resýrstar vıtse-mınıstri Jomart Álıev málimdedi. 

Úsh qalada qoqystan energııa óndiretin zaýyttar 2028 jyly iske qosylady
Foto: Kazinform/JI

Vıtse-mınıstrdiń aıtýynsha, qaldyqtardan energııa óndirý elimiz úshin jańa baǵyttardyń biri bolyp otyr.

2025 jyly atalǵan qalalarda zaýyttar salý úshin qytaılyq kompanııalarmen úsh ınvestıtsııalyq kelisim jasalǵan.

— Investıtsııanyń jalpy kólemi 293 mlrd teńgeni nemese shamamen 650 mln AQSh dollaryn quraıdy. Qazir daıyndyq jumystary júrgizilip jatyr. Nysandardy 2028 jyly iske qosý josparlanǵan, — dedi Jomart Álıev.

Jańa kásiporyndar polıgondarǵa kómiletin qaldyq kólemin azaıtyp, olardan elektr jáne jylý energııasyn óndirýge múmkindik beredi.

Sonymen qatar mundaı zaýyttardy basqa óńirlerde de salý máselesi qarastyrylyp jatyr. Atap aıtqanda, Qaraǵandyda osyndaı jobany iske asyrý múmkindigi pysyqtalýda.

Buǵan deıin qoqysqa tastalǵan dáriler tabıǵatqa qalaı áser etetinin jazdyq.