Úsh qalada esirtki satýmen aınalysqan toptyń jetekshisine qatysty is qozǵaldy
Uıymdasqan qylmystyq toptyń múshelerin polıtseıler «Suńqar» jáne jyldam qımyldaıtyn arnaıy jasaq bólimshelerimen birlesip, bıyl sáýir aıynda quryqtady. Úsh qalada 11 qylmysker ustalyp, toǵyz mekenjaı boıynsha qyzmettik-izdestirý ıtterin tarta otyryp tintý júrgizilgen bolatyn.
Tergeý barysynda uıymdasqan qylmystyq toptyń árbir qatysýshysy esirtkini býyp-túıý, saqtaý, tasymaldaý nemese taratý, toptyń aqshalaı kiristeri men shyǵyndaryn baqylaý sııaqty naqty rólderdi oryndaǵany dáleldendi. Osylaısha, qylmyskerlerdiń biri qylmystyq bıznespen qamtylǵan qalalar boıynsha esirtkiniń asa iri partııalaryn saqtaýǵa jáne tasymaldaýǵa jaýapty boldy. Al ekinshisi qarjylyq kirister men shyǵyndardy baqylaý úshin toptyń múshelerine «jalaqy» tóleýmen, «joǵalǵan» esirtkiler úshin aıyppuldar salýmen aınalysqan.
Qylmystyq top músheleriniń biri esirtki satylatyn ınternet-arnalardyń jumysyn qamtamasyz etken. Sondaı-aq ol jańa klıentterdi belsendi túrde tartýmen aınalysyp, onlaın-konkýrstar, utys oıyndary men aktsııalar ótkizgen. Top músheleriniń biri kámeletke tolmaǵan kolledjdiń ekinshi kýrs stýdenti ekenin aıta ketken jón.
Zańsyz aınalymnan úsh kılogramm esirtki tárkilendi. Qylmystyq iske zattaı dálel retinde ulttyq jáne shetel valıýtasyndaǵy qarajat, qylmystyq árkette paıdalanylǵan uıaly telefondar, noýtbýkter, sım-kartalar qosa tirkeldi. Esirtki satatyn úsh ınternet-dúkenniń jumysy toqtatyldy.
«Uıymdastyrýshyǵa jáne esirtki bıznesine qatysýshylarǵa asa iri mólsherde esirtkiniń zańsyz aınalymynan basqa QR QK-niń 262-shi «Uıymdasqan topty qurý, oǵan basshylyq etý jáne qatysý» baby boıynsha aıyp taǵylyp otyr. Múlki tárkilenip, on eki jylǵa deıin bas bostandyǵynan aıyrý jazasy kózdeledi», – dedi QR ІІM esirtki qylmysyna qarsy is-qımyl departamenti bastyǵynyń orynbasary Asqar Muhametqalıev.
