Úsh qalada aýa sapasy nasharlaıdy - Qazgıdromet
ASTANA. QazAqparat - Beısenbi, 27 jeltoqsan kúni Qazaqstan qalalarynyń basym bóliginde jaǵymdy meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń aqparatyna súıensek, Aqtaý, Aqtóbe, Almaty, Astana, Atyraý, Qostanaı, Qyzylorda, Pavlodar, Petropavl, Taraz jáne Oralda atmosferaǵa lastaýshy zattardyń taralýy kútilmeıdi.
Al Kókshetaý, túnde Taldyqorǵan men Shymkent qalalarynda aýa sapasy nasharlaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
