Úsh fotograf týyndylaryn zańsyz paıdalanǵan saıttardan qomaqty aqsha óndirip aldy

Qazaqstandaǵy tanymal fotograftyń materıalyn ruqsatsyz paıdalanǵan onlaın platforma avtorlyq quqyqty buzǵany úshin ótemaqy tóleýge mindetteldi, dep habarlaıdy QazAqparat. 

Ádilet mınıstrligi zııatkerlik menshik quqyǵy departamentiniń dırektory Sholpan Ábdireevanyń redaktsııanyń saýalyna bergen jaýabynda osyndaı derek keltirilgen.

«Qazaqstandaǵy tanymal fotograftyń fotosýretteri bir onlaın platformada paıdalanyldy. Fotograf zań buzýshyǵa shaǵymdanyp, óz obektilerin alyp tastaýdy talap etti. Budan ári quqyq buzǵany úshin ótemaqy tóleý boıynsha azamattyq talap aryz berip, sot oń sheshim shyǵardy», - dep jazady Sholpan Ábdireeva.

Vedomstvonyń málimetinshe, osyǵan uqsas taǵy eki is tirkelgen.

«Osyǵan uqsas talaptar taǵy eki fotograftyń quqyqtarynyń buzylýyna baılanysty berildi. Ár fotograftyń paıdasyna 300-600 myńnan astam teńge óndirildi», - dep jazylǵan jaýapta.