Úsh elordalyq poker oıynyn uıymdastyrǵandary úshin 4 jylǵa sottaldy

ASTANA. QazAqparat - Qylmystyq ister jónindegi aýdanaralyq soty (№2 Saryarqa aýdandyq soty) zańsyz oıyn bıznesin uıymdastyrǵany úshin úsh adamǵa qatysty úkim shyǵardy, dep habarlaıdy QazAqparat Astana qalalyq sotynyń saıtyna silteme jasap.

Sottalýshylar poker oıynyn uıymdastyryp, zańsyz 44 mln teńge somasynda paıda tapqan. Zańsyz qumar oıyn uıymdastyrý úshin olar qonaqúılerdi, páterlerdi jalǵa alyp, onda dılerler men oıynshylardy shaqyrǵan jáge tegin tamaqpen jáne sýsyndarmen qamtamasyz etip otyrǵan.

K. men S. kinálaryn jartylaı moıyndady. T. jaýap berýden bas tartty, biraq sotqa deıángi tergeý barysynda bergen jaýabyn rastady.

Sottalýshylardyń kinásy oqıǵa ornyndaǵy zattarmen, derektermen, saraptama qorytyndysymen jáne aqshalaı qarajat kóshirmesimen, basqa da qylmystyq is materıaldarymen dáleldendi.

Sot olardyń biriniń kishkentaı balasynyń baryn, qalǵan ekeýiniń jas ekendigin eskerip, jazasyn jeńildetti. Sot úkimimen sottalýshylar zańsyz oıyn bıznesin uıymdastyrǵany úshin kináli dep tanylyp, árqaısysy 4 jylǵa bas bostandyqtarynan aıyryldy.

Sot úkimi zańdy kúshine engen joq