Úsh eldiń syrtqy ister mınıstrleri Pákistanda Iran tóńiregindegi jaǵdaıdy talqylaıdy
ASTANA. KAZINFORM – Keıingi kezderi Pákistan Iran men AQSh arasynda deldal bolyp júr, dep habarlaıdy Kazinform DW-ge silteme jasap.
Pákistannyń Syrtqy ister mınıstri Ishak Dar áleýmettik jelide Saýd Arabııasy, Túrkııa jáne Mysyr syrtqy ister mınıstrleriniń 29-30 naýryzda Islamabadqa keletinin habarlady. Olar Iran máselesi boıynsha konsýltatsııalar ótkizip, Taıaý Shyǵystaǵy shıelenisti tómendetý maqsatynda tereń kelissózder júrgizedi.
Túrkııa men Mysyr bul úderisti qoldaıtyn birneshe elmen birge deldaldyq áreketterge qatysyp jatyr. Bul – Pákistannyń taraptar arasyndaǵy dıplomatııalyq rólin resmı túrde alǵash ret rastaıtyn jaǵdaı.
Budan buryn Pákistan AQSh pen Iran arasyndaǵy janama kelissózder Islamabadtyń deldaldyǵymen júrgizilip jatqanyn rastaǵanyn jazǵan edik.
