Úsh el birlesip Roza Baǵlanova týraly tolyqmetrajdy fılm túsirmek

ALMATY. QazAqparat - Ózbekstanda ótken halyqaralyq kınofestıvalde elimiz usynǵan «Roza» atty fılm stsenarııi júldeger boldy. Aldaǵy ýaqytta Qazaqstan, Ózbekstan, Frantsııa elderi birlesip, ánshiniń ómiri men shyǵarmashylyǵyn baıandaıtyn fılm túsirmek. Bul týraly QazAqparat tilshisine «Qazaqfılm» kınostýdııasynyń bas redaktory, kınodramatýrg, kınorejısser Bekbolat Shekerov aıtyp berdi.

Qyrkúıek aıynda Tashkentte ótken halyqaralyq kınofestıval aıasynda Ózbekstandaǵy Frantsııanyń elshiligi úzdik stsenarııler arasynda «pıtchıng» uıymdastyrdy.

Oǵan «Qazaqfılm» kınostýdııasy 4 joba usyndy. Olardyń arasynan qazaqtyń dara qyzy, ataqty ánshisi Roza Baǵlanova arnalǵan «Roza» atty stsenarıı júldegerler qatarynan kórindi.

«Pıtchıng barysynda eń úzdik stsenarııler anyqtaldy. Birinshi oryndy Tájikstan qanjyǵalasa, ekinshi oryndy Qazaqstan men Ózbekstan elderi ózara bólisti. Bizdiń «Roza» atty fılmge arnaıy jazylǵan stsenarııimiz joǵary baǵa aldy. Osyǵan oraı, Ózbekstandaǵy Frantsııa elshiligi jobanyń ary qaraı fılm bolyp jaryqqa shyǵýyna kómektesetinin málimdedi. Tıisinshe, olar endi aldaǵy ýaqytta túsiriler fılmge barlyq derekterdi jınaqtap, olardy frantsýz prodıýserleri men ınvestorlarǵa usynatyn bolady. Sol sebepti, aldaǵy ýaqytta Qazaqstan, Ózbekstan jáne Frantsııanyń birlesýimen áıgili ánshi Roza Tájibaıqyzy jaıly tolyqmetrajdy fılm jaryqqa shyǵady dep oılap otyrmyz», - dedi Bekbolat Shekerov.

Áıgili ánshi týraly fılm stsenarııi naqty faktiler men oqıǵalarǵa negizdelgen, ol ánshiniń taǵdyryn baıandaıtyn «baıopık» janryndaǵy fılm bolmaq. «Kınokartına jelisi 1980 jyly 15 sáýirde Roza Tájibaıqyzynyń sol kezdegi Lenın saraıynda kontsert berip turǵan kezinen bastalady. ıAǵnı, ol sahnada án aıtyp turǵan kezde, kózi qaraýytyp, aınalasyn kórmeı qalady. Keıin dáriger anyqtaǵandaı, 1943 jyly maıdanda jarylǵan snarıadtyń ushqyny onyń basynda qalyp qoıǵan. Sol sebepti kózderi kórmeı qalǵan. Jalpy, Roza apamyz shyǵarmashylyq ómir jolyn Tashkent qalasynan bastaǵan. 1941 jyly osy jerden Tashkent fılarmonııasynyń quramynda maıdanǵa attanady. Qan maıdannan oralǵan soń, Keńes úkimeti kezinde Aral teńiziniń máselesin alǵashqylardyń biri bolyp kóterdi, 1986 jylǵy kóteriliste alańǵa júgirip shyǵyp, stýdentterdi soldattardyń uryp-soǵýynan qutqarýǵa tyrysqanyn aıttym. Jalpy, fılm jaıly materıal jınap, stsenarıı jazýǵa, jobany daıyndaýǵa eki jyl ýaqyt ketti. Negizi Roza Tájibaıqyzy týraly búginge deıin kóptegen serıal, derekti fılmder shyqqan. Alaıda, ázirge onyń jeke ózine arnalǵan eshqandaı kórkem fılm jaryqqa shyqpaǵan», - dedi kınorejısser.

Foto: stan.kz