Úsh ekzıtpol kórsetkishi: Quryltaı saılaýyndaǵy aldyn ala nátıje belgili boldy
ASTANA. KAZINFORM — Elimizdegi alǵashqy Quryltaı saılaýynda úsh zertteý uıymy daýys berý qorytyndysyna qatysty ekzıtpol nátıjelerin usyndy.
Qoǵamdyq saıasat ınstıtýtynyń derekterine sáıkes, saýalnamaǵa qatysqan saılaýshylardyń daýystary bylaı bólingen:
- «Ádilet» partııasy — 72,30%;
- «Aýyl» partııasy — 6,20%;
- Respublica partııasy — 5,20%;
- «Aq jol» partııasy — 5,10%;
- JSDP — 5,00%;
- Qazaqstan halyq partııasy — 2,80%;
- «Baıtaq» partııasy — 0,90%;
- barlyǵyna qarsymyn — 2,50%.
Eýrazııalyq ıntegratsııa ınstıtýtynyń ekzıtpol nátıjesi mynandaı:
- «Ádilet» partııasy — 71,8%;
- «Aýyl» — 6,4%;
- Respublica — 5,4%;
- JSDP — 5,2%;
- «Aq jol» — 5,1%;
- Qazaqstan halyq partııasy — 3,0%;
- «Baıtaq» — 1,0%;
- barlyǵyna qarsymyn — 2,1%.
Taǵy bir ekzıtpoldy «SOTsIS-A» keshendi áleýmettik zertteýler ınstıtýty júrgizdi. Onyń derekterine sáıkes nátıje bylaı tirkelgen:
- «Ádilet» — 70,7%;
- «Aýyl» — 6,4%;
- Respublica — 5,5%;
- «Aq jol» — 5,4%;
- JSDP — 5,0%;
- Qazaqstan halyq partııasy — 3,2%;
- «Baıtaq» — 1,2%;
- barlyǵyna qarsy — 2,6%.
Osylaısha, úsh zertteýdiń de derekteri uqsas shyqty. Ekzıtpol nátıjesi boıynsha eń joǵary qoldaýǵa «Ádilet» partııasy ıe — 70,7%-dan 72,3%-ǵa deıin.
«Aýyl» partııasynyń kórsetkishteri 6,2–6,4%, Respublica — 5,2–5,5%, «Aq jol» — 5,1–5,4%, JSDP — 5,0–5,2% aralyǵynda.
Sonymen qatar, Quryltaıǵa ótý úshin saıası partııa keminde 5% daýys jınaýy tıis. Usynylǵan ekzıtpol derekterine sáıkes, bul mejeden bes partııa ótýi tıis: «Ádilet», «Aýyl», Respublica, «Aq jol» jáne JSDP.
Úsh saýalnama boıynsha Qazaqstannyń halyq partııasy 2,8–3,2%, al «Baıtaq» partııasy 0,9–1,2% daýys alady dep boljanǵan.
Barlyǵyna qarsy daýys bergenderdiń úlesi 2,1–2,6% quraıdy.
Aıta keteıik, ekzıtpol — saılaý ýchaskesinen shyqqan azamattardan alynatyn saýalnama, ıaǵnı respondentter óz daýysyn kimge nemese qaı partııaǵa bergenin erikti túrde aıtyp beredi. Mundaı zertteýler resmı sanaý aıaqtalmaı turyp, daýys bólinisiniń aldyn ala kórinisin baǵalaýǵa múmkindik beredi.
Sonymen birge, ekzıtpol nátıjesi saılaýdyń resmı qorytyndysy bolyp sanalmaıdy jáne daýys sanaýdan keıin ýákiletti organdar bekitetin sońǵy nátıjelerden aıyrmashylyǵy bolýy múmkin.
Elimizdiń barlyq óńirinde Quryltaı depýtattaryn saılaý óz máresine jetti.
20:00-degi jaǵdaı boıynsha Quryltaı depýtattaryn saılaýynda daýys berýshiler tizimine engizilgen 9 mln 350 myńnan astam saılaýshy óz tańdaýyn jasady.
Quryltaı saılaýyna qatysty barlyq jańalyqpen myna siltemege ótip oqı alasyzdar.
