Úsh dúrkin álem chempıony Nazym Qyzaıbaı saılaýda daýys berdi
ALMATY. KAZINFORM — Parıj Olımpadasynyń júldegeri, bokstan úsh dúrkin álem chempıony Nazym Qyzaıbaı Quryltaı depýtattarynyń saılaýynda daýys berdi.
Dańqty boksshy Almaty oblysyndaǵy Jańashar aýylynda, Turar Rysqulov atyndaǵy orta mektepte ornalasqan saılaý ýchaskesinde óz tańdaý jasady.
— Men úshin saılaýǵa qatysý — azamattyq ustanymymdy bildirip, el bolashaǵyna úles qosýdyń múmkindigi. Ár azamat tańdaýynyń mańyzdy ekenin túsinýi kerek. Búgin saılaý ýchaskesine kelip, azamattyq boryshymdy ótedim, — dedi Nazym Qyzaıbaı.
Qazir sportshy Almaty oblysynda oqý-jattyǵý jıynynda júrgenine qaramastan, saılaýǵa qatysý úshin aldyn ala esepten shyǵarý kýáligin alǵan. Nazym Qyzaıbaıdyń aıtýynsha, ol qoǵamdaǵy mańyzdy oqıǵalardan shet qalmaýǵa tyrysady jáne saılaýǵa turaqty qatysyp keledi.
Qazir elimiz boıynsha 10 363 saılaý ýchaskesinde daýys berý júrip jatyr. Saılaýshylar tizimine 12 605 788 adam engizilgen.
Aıta ketelik Almatyda Olımpıada chempıony Mıhaıl Shaıdorov óz tańdaýyn jasaǵan edi.
