Úsh dúrkin Olımpıada chempıony dopıng daýyna ilikti
ASTANA. QazAqparat - UWW (Birikken kúres álemi) uıymynyń resmı saıty erkin kúresten Olımpıadanyń úsh dúrkin chempıony jáne eki dúrkin álem chempıony ózbekstandyq Artýr Taımazovtyń dopıng qoldanǵanyn jarııalady, dep habarlaıdy QazAqparat tilshisi.
Atalǵan málimetke súıensek, Artýr Taımazovtan 2008 jylǵy Beıjiń Olımpıadasynyń altyny tartyp alynǵan. Oǵan sebep, WADA uıymynyń tekserisinen keıin balýannyń qanynan týrınabol dármegi tabylǵan. Nátıjesinde, Qytaı elinde ótken basty dodada ekinshi oryn alǵan reseılik Bahtııar Ahmedovke Olımpıada altyny buıyrdy. Al kúmis medal Slovakııa atynan óner kórsetken taǵy bir osetııalyq balýan Davıd Mýsýlbeske berilmek.
Aıta keteıik, Artýr Taımazov 1979 jyly Soltústik Osetııada dúnıege kelgen. 3 dúrkin Olımpıada chempıony jáne bir márte kúmis júldegeri, 2 dúrkin álem chempıony, 3 dúrkin Azııa oıyndarynyń jeńimpazy jáne kóptegen halyqaralyq jarystarda top jarǵan balýan.
