Úsh deńgeıli sot júıesi óziniń tıimsizdigin kórsetti - B.Beknazarov
ANA. 8 shilde. QazAqparat /Arman Asqarov/ - Búgin 2011 jyldyń birinshi jartyjyldyǵyn qorytyndylaýǵa arnalǵan respýblıka sýdıalarynyń keńeıtilgen otyrysynda QR Joǵarǵy sot tóraǵasy Bektas Beknazarov búgingi úsh deńgeıli sot júıesiniń tıimsiz ekendigin aıtty.
Onyń paıymdaýynsha, 2010 jyldyń qańtar aıynda engizilgen úsh deńgeıli sot júıesi búginde óziniń tıimsizdigin kórsetti. Ol boıynsha aýdandyq sottarda úkim qaralady. Al apellıatsııalyq sot ony ózinshe teksergennen keıin, bul jumysqa núkte qoıylyp, sot isi jabylady. «Qazirgi kezde Joǵarǵy sot janyndaǵy qadaǵalaýshy sot alqalarynyń árbir otyrysynda qabyldanǵan sot aktilerine narazylyq aryz-shaǵymdary kóptep qarala bastady. Bul búgingi úsh deńgeıli sot júıesiniń tıimsizdigin taǵy bir márte dáleldese kerek. Sondyqtan, búginde biz sot óndirisiniń qurylymyn ózgertý máselesin qoıyp otyrmyz. Azamattar shyndyqty izdep, Joǵarǵy sotqa sabylyp kelmeı, jergilikti jerlerde ádiletti sheshimge qol jetkizýi tıis. Osy oraıda oblystyq sottardyń áleýetin barynsha paıdalaný qajet», - deıdi B.Beknazarov.
