Úsh býyndy sot júıesin jetildire túsý qajettiligi týyndap otyr - Joǵarǵy Cot tóraǵasy
TANA. 28 shilde. QazAqparat /Qanat Mámetqazyuly/ - Úsh býyndy sot júıesin jetildire túsý qajettiligi týyndap otyr. Bul týraly búgin QR Joǵarǵy sotynyń tóraǵasy Bektas Beknazarov óz laýazymyna kiriskennen beri jýrnalıstermen birinshi ret resmı baspasóz máslıhatyn ótkizý barysynda málim etti.
Jýrnalısterdiń saýalyna jaýap bere otyryp Tóraǵa, elimizde 2010 jyldan beri úsh býyndy sot júıesi júzege asa bastaǵanyn, bunyń asa durys ári ýaqytyly qadam bolǵanyn atap ótti. «Biz sot júıesindegi birin biri qaıtalaıtyn kóptegen ınstantsııalardy joıdyq. Úsh býyndy sot júıesine kóshý osy baǵyttaǵy jetildirý jumystarymyz úshin asa mańyzdy shara boldy. Degenmen, bul baǵytty áli de jetildire túsý qajettigi týyndap otyr. Biz osy máseleni naqty talqylap, alda turǵan kelisi saty jóninde birqatar sharalardy belgiledik», - dedi B. Beknazarov.
Onyń aıtýynsha, bul rette oblystyq sottarǵa zańdyq kúshine engen sot aktilerin 6 aı merzim ishinde qaıta tekserý quqyn bergen durys. «Eger bundaı jaǵdaı zań arqyly qamtylatyn bolsa bir jaǵynan myńdaǵan azamattardy áýre sarsańnan qutqaryp, ekinshi jaǵynan búgingi kúni úlken júktememen jumys atqaryp otyrǵan Joǵarǵy sottyń tıimdi jumys isteýine de septigin tıgizetin edi», - dedi B. Beknazarov.
Joǵarǵy sot tóraǵasy keltirgen málimetterge qaraǵanda, qazirgi kúni oblystyq sottar deńgeıinde sheshimin tabýǵa bolatyn máselelerdiń basym bóligi Joǵarǵy sot ınstantsııasyna júktelgen. «Tek ótken jyldyń ózinde ǵana bizge sot aktilerin qaıta qaraý boıynsha 10 myńnan astam ótinishter kelip tústi. Qazir Joǵarǵy sot shamadan tys jumystardy atqaryp keledi. Árbir sýdıaǵa 70-80 sot isteri, 100-den astam ótinishter júktelýde. Árıne, Joǵarǵy sot buǵan qaraǵanda ǵalamdyq máselelermen shuǵyldanýy shart edi. Alaıda, naqty tájirıbede biz basy artyq máselelermen aınalysýǵa májbúrmiz», - dedi B. Beknazarov.
