Úsh boıjetken serfıng taqtaıymen Florıda buǵazyn kesip ótpek
ASTANA.QazAqparat - Úsh amerıkalyq boıjetken serfıngke arnalǵan taqtaıdy jáne eskekti paıdalana otyryp, Kýba men AQSh-ty bólip jatqan Florıda buǵazyn kesip ótpek.
Olar osylaısha rekord jańartýǵa bel baılady.
Qyzdar saparlaryn beısenbi kúni Kýba astanasynyń batysyndaǵy «Marına Hemıngýeı» ıahta-klýbynan bastady. Olar saıahattaryn Florıda shtatynyń Ýest qalasymen aıaqtamaqshy. 180 km qashyqtyqty sportshylar 20-25 saǵatta baǵyndyrmaqqa bel býyp otyr. Jolda qyzdar ár eki saǵat saıyn aýysyp turady: bireýi taqtaıda turyp eskek esedi, bul ýaqytta qalǵan ekeýi jol boıy qastarynda erip júretin katamaranda demalady.
Serfıngke arnalǵan taqtaımen Florıda buǵazyn kesip ótken álemdegi birinshi adam - amerıkalyq Ben Fraıberg, ol 2013 jyly bul aralyqty 28 saǵatta baǵyndyrǵan. Al buǵazdy búgingi kúnge deıin úsh adam birigip serfıng taqtaıymen qıyp ótken emes.
