Úsh balýannyń qan quramynan tyıym salynǵan steroıd tabyldy
Dopıngke qarsy ulttyq ortalyq málimetinshe, osy jyldyń 11 qańtarynda grek-rım kúresiniń sheberi Temirlan Ómirbaıdan jarystan tys mezgilde dopıngke qarsy synama alynǵan. Taldaý nátıjesinde balýannyń qan quramynda tyıym salynǵan steroıd – meldonıým tabyldy. Sondyqtan ol 2025 jyldyń 3 naýryzyna deıin barlyq jarystan shettetiledi. Munan bólek, 2023 jyldyń aqpan aıynda erkin kúres sheberleri Ulbosyn Qojamberdi men Gúlsamal Nurlannan jarys kezinde synama alynyp, Ulbosynnyń qan quramynda fýrosemıd, al Gúlsamaldyń qan quramynda oraltýrınabol bar bolyp shyqty. Osyǵan baılanysty Ulbosyn Qojamberdi 2025 jyldyń 3 naýryzyna deıin, al Gúlsamal Nurlan 2026 jyldyń 3 naýryzyna deıin jarystarǵa qatysa almaıdy.
Buǵan deıin boksshylar Abzal Serik pen Samatáli Tóltaevtyń qan quramynan dopıng tabylǵanyn jazǵan edik.
