Úsh balýanymyz Azııa jaǵajaı oıyndarynyń shırek fınalynda baq synaıdy
ASTANA.KAZINFORM - Qytaıdyń Sanıa qalasynda ótip jatqan VI Azııa jaǵajaı oıyndarynda jaǵajaı kúresinen Qazaqstan quramasynyń sportshylary irikteý kezeńinen sátti ótip, shırek fınalǵa joldama aldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
70 kg deıingi salmaq dárejesinde Beıbit Seıdýaly shırek fınalǵa shyqty. Al 70 keliden joǵary salmaqta Alına Ertóstik júlde úshin kúresin jalǵastyryp jatyr. Sondaı-aq 80 kg deıingi salmaqta Ermahan Kóshkinbaev ta shırek fınalda synǵa túsedi.
Búgin jarystyń segizinshi kúni ótip jatyr. Oıyndar 30 sáýirde aıaqtalady. Qazaqstan quramasy segiz sport túri boıynsha qatysyp jatyr. Ulttyq quramada 70 sportshy bar.
Aıta keteıik, bul keshendi jarystar kúzde Japonııada ótetin jazǵy Azııa oıyndaryna daıyndyqtyń kezeńi sanalady.
Qazirgi ýaqytta Qazaqstan quramasynyń qorjynynda bes medal bar. ıAǵnı, bir altyn, bir kúmis jáne úsh qola. Jalpykomandalyq esepte el quramasy 7-orynda tur.
Osyǵan deıin Qazaqstan sportshylary jaǵajaıdaǵy Azııa oıyndarynyń 1/8 fınalyna joldama alǵany týraly jazdyq.
