Úsh balasymen birge 9-qabattan sekirip ketken áıelge qatysty qylmystyq is toqtatyldy
ALMATY. QazAqparat - Almatyda úsh balasymen birge terezeden sekirip, mert bolǵan áıelge qatysty qylmystyq is toqtatyldy, dep habarlaıdy QazAqparat tilshisi.
Bul týraly Almaty qalalyq polıtsııa departamentiniń resmı ókili Saltanat Ázirbek málim etti.
«Atalǵan fakti Áýezov aýdany polıtsııa basqarmasynda qylmystyq kodekstiń 105-baby («ózin-ózi óltirýge deıin jetkizý») boıynsha tirkeldi. Keshendi tergeý sharalary júrgizildi. Nátıjesinde qylmys quramynyń bolmaýyna baılanysty qylmystyq is toqtatyldy», - deıdi S.Ázirbek.
Eske salaıyq, 2021 jyldyń qarashasynda «Jetisý» shaǵyn aýdanyndaǵy turǵyn úılerdiń birinde 28 jastaǵy áıel 2015, 2016 jáne 2019 jylǵy balalarymen birge 9-qabattan sekirip ketti. Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.
