Úsh balany kólikpen qaǵyp ketken júrgizýshi ýaqytsha ustaý abaqtysyna qamaldy - Almaty ІІD
ALMATY. 28 qyrkúıek. QazAqparat - Tergeý amaldary segiz jastaǵy qyz balanyń ólimine jáne eki kishkentaı balanyń jaraqattanýyna ákelip soqtyrǵan kúrdeli jol-kólik oqıǵasyna kináli bolýy múmkin azamatty anyqtady.
Ol «Nısan Maksıma» kóliginiń 1988 jylǵy júrgizýshisi bolyp shyqty, dep habarlaıdy Almaty ІІD-niń baspasóz qyzmetinen.
«Kezekshilik táýliginde biz oqıǵanyń kýágeri bolǵan áıeldi taptyq. Onyń kóz aldynda balalar joldan júgirip ótip, kele jatqan «Nıssan» kóliginiń dońǵalaǵy astynda qaldy. Odan keıin qatty serpilgen boıy qarsy baǵytta júrip kele jatqan «Folksvagen Golftiń» astyna tústi. Jol-kólik oqıǵasynyń kýágeri protsessýaldyq tártipte suraldy. Onyń túsiniktemeleri tergeý úshin óte baǵaly bolyp, bolǵan oqıǵa jarym-jartylaı anyqtaýǵa kómektesti. Sot-avtotehnıkalyq saraptamany jáne basqa da tergeý sharalary ótkizilgen soń barlyǵy budan da túsinikti bolady. Qazirgi kezde «Nısan Maksımanyń» 24 jastaǵy júrgizýshisi ýaqytsha tergeý abaqtysyna qamaldy. Oǵan QR QK-niń 269 babynyń 2-shi tarmaǵy boıynsha aıyp taǵyldy», - dep habarlady Almaty qalalyq ІІD baspasóz qyzmetiniń bastyǵy, polıtsııa maıory Saltanat Ázirbek.
Esterińizge sala keteıik, 26 qyrkúıek kúni saǵat 15-te Saın kóshesi boıynsha ońtústik baǵytta jol júrip kele jatqan «Folksvagen golf» jáne «Nıssan Maksıma» kólikteriniń júrgizýshileri № 2 úıge qarsy, Raıymbek dańǵylynan ońtústikke qaraı kámelettik jasqa jetpegen jaıaý júrginshiler: 8 jasar Nuraı, onyń tórt jasar inisi Nurtaı jáne Aslan esimdi bes jasar balany qaǵyp ketti. Qyz bala aýrýhananyń jansaqtaý bóliminde kóz jumdy, al balalar qaladaǵy birinshi balalar klınıkalyq aýrýhanasyna jedel túrde jetkizildi.
