Úsh balaǵa ákesi zorlyq-zombylyq jasady degen shaǵymǵa qatysty tekseris júrgizilýde

KÓKShETAÝ. QazAqparat - Aqmola oblysynyń Astrahan aýdanyndaǵy Staryı Kolýton aýylynda úsh bala ákesi tarapynan jynystyq zorlyq-zombylyqqa ushyraıtyndyǵy habarlandy. Bul týraly quqyq qorǵaýshy Dına Tańsári áleýmettik jelidegi paraqshasynda aqparatty tekserýge shaqyrdy, dep habarlaıdy QazAqparat tilshisi.

«Aqparatty tekserýdi suraımyz! Balalar ombýdsmeni, Balalardyń quqyqtaryn qorǵaý komıteti, #NeMolchıKZ qorynyń senim telefonyna bir otbasynan shyqqan úsh balaǵa qatysty seksýaldyq zorlyq-zombylyq týraly habarlama keldi. Staryı Kolýton aýyly, Astrahan aýdany. Ata-analar ishimdikke salynǵan, balalardy ákesi zorlaıdy. Bul aqparatty balalardyń ájesi eriktilerge aıtty! Tekserýdi jáne sharalar qabyldaýdy suraımyz», - dedi quqyq qorǵaýshy.

Osy rette, jelidegi jarııalanymǵa baılanysty Aqmola oblystyq Polıtsııa departamentinen pikir bildirdi.

«Jelidegi jarııalanym zertteldi. Osy posta baıandalǵan derek boıynsha Astrahan aýdanynyń Polıtsııa bólimi tarapynan QR Qylmystyq kodeksiniń 122-baby 2-bóligi boıynsha sotqa deıingi is qolǵa alyndy. 2012, 2014 jáne 2016 jylǵy kámeletke tolmaǵan úsh balaǵa qatysty medıtsınalyq kýálandyrý júrgizildi, onyń barysynda jynystyq organy aýmaǵynda qandaı da bir dene jaraqattary, tyrtyqtar, kógerýler, zaqymdaný belgileri tabylǵan joq. Sonymen qatar, qylmystyq is sheńberinde sot-medıtsınalyq saraptamalar taǵaıyndaldy», - dedi vedomstvodan.

Aıta ketsek, budan buryn Aqmola oblysynda 3 jasar sábı tórtinshi qabattaǵy terezeden qulaǵanyn jazǵan edik.