Úsh bala opyrylǵan karer qumynyń astynda qaldy
ASTANA. QazAqparat - Astrahan oblysynyń polıtsııasy úsh balanyń karerde qaza bolý faktisin tekserip jatyr, dep habarlaıdy TASS. Aımaq boıynsha TK AB baspasóz qyzmetinen málimdegendeı, oqıǵa keshe Ikrıanoe aýylynda oryn alǵan.
«12,13 jáne 14 jastaǵy úsh bala qoldaǵy quraldardyń kómegimen qum kareri aýmaǵyndaǵy topyraqty qazǵan. Onyń opyrylýy saldarynan jasóspirimder qum astynda qalyp qoıdy. 6 qyrkúıek kúni keshqurym kámelettik jasqa tolmaǵandardyń ata-analary oqıǵa bolǵan jerdi taýyp, múrdelerdi syrtqa shyǵardy», - dedi baspasóz qyzmetinen. Balalardyń barlyǵy baqýatty otbasylardan shyqqan, ózderine jaqsy sıpattama berilgeni atap ótiledi. Bolǵan oqıǵanyń mán-jaılary anyqtalý ústinde.
