Úsh bala qaza tapqan órtke qatysty qylmystyq is qozǵaldy
ASTANA. KAZINFORM — Astanada túngi ýaqytta bolǵan órt saldarynan turǵyn úıde kámeletke tolmaǵan úsh bala qaza tapty. Oqıǵa boıynsha qylmystyq is qozǵalǵany týraly polıtsııa departamenti habarlady.
— Qylmystyq is qozǵaldy. Oqıǵanyń barlyq mán-jaıyn anyqtaýǵa baǵyttalǵan keshendi tergeý-operatıvti is-sharalar júrgizilip jatyr, — delingen polıtsııa departamentiniń habarlamasynda.
Tergeý qorytyndysy boıynsha oqıǵaǵa quqyqtyq baǵa beriledi.
Eske sala keteıik, túnde Astana qalasynyń Esil aýdanyndaǵy Túrkistan kóshesinde ornalasqan 21 qabatty turǵyn úıdiń 15-qabatyndaǵy páterden órt shyqty.
TJM qyzmetkerleri joǵary qabattardan 20 adamdy evakýatsııalady, shamamen 40 turǵyn óz erkimen ǵımarattan shyqty.
Oqıǵa ornynda úsh kámeletke tolmaǵan balanyń denesi tabyldy.
Bir áıel adam kúıik jaraqatymen aýrýhanaǵa jetkizildi.
