Úsh baǵyttaǵy jol qurylysyn jobalaý jumystary júrip jatyr - Qaıyrbek Óskenbaev

ASTANA. QazAqparat – Qazirgi kezde 3 jol qurylysyna qatysty jobalaý jumystary júrip jatyr. Bul týraly Májilistegi Úkimet saǵatynda Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«3 jolǵa qatysty jobalaý jumystary júrip jatyr. Atap aıtqanda, Oral qalasyn ońtústik-batys aınalyp ótý arqyly «Atyraý - Oral» jobasy (521 shaqyrymda) eskerilgen. Sonymen qatar, «Jezqazǵan - Qaraǵandy» (513 shaqyrymda), «Aqtóbe - Ulǵaısyn» (262 shaqyrymda) joldary bar», - dedi Q. Óskenbaev.

Eske salsaq, bıyl mamyr aıynda QR Premer-Mınıstri Aqtóbe oblysyna jumys sapary barysynda jergilikti atqarýshy organ men Indýstrııa jáne ınfraqurylymdyq damý mınıstrligine jol qurylysyna qatysty tapsyrmalar júktegen bolatyn.

«Ákimdik jumystardy jergilikti bıýdjetten birlesip qarjylandyrýdy ýaqtyly qamtamasyz etýi tıis. Sonymen qatar, salalyq vedomstvo «Aqtóbe - Ulǵaısyn» avtojolynyń qurylysyn qarjylandyrý tetikterin anyqtap, jumysqa kirisýi qajet», - dedi Úkimet basshysy.

Vıdeodan alynǵan kadr