Úsh aılyq úzilisten keıin Ispanııada fýtbol qaıta jandandy
NUR-SULTAN. QazAqparat - Úsh aılyq úzilisten keıin fýtboldan Ispanııa chempıonaty qaıta jalǵasty, dep habarlaıdy QazAqparat tilshisi.
Esterińizge sala ketelik, Ispanııa chempıonaty álemdi jaılaǵan koronavırýs pantemııasynyń aldyn alý maqsatynda 8 naýryzdan keıin keıinge shegerilgen edi.
Komandalar 28-týr oıyndaryn 11-14 maýsym aralyǵynda ótkizdi. Ispanııa premerasynda únemi kósh basynda júretin «Barselona» men «Real Madrıd» klýbtary bul joly da kezekti jeńisine jetti.
«Barselona» 13 maýsymda syrt alańda «Maıorka» komandasyn oısyrata jeńdi. Olar alań ıeleri qaqpasyna jaýapsyz tórt gol soqty. Atalǵan kezdesýde «Barselona» sapynan Artýro Vıdal 2, Martın Braıtvaıt 37, Jordı Alba 79, Lıonel Messı 93-mınýttarda qarsylastar qaqpasyn dál kózdedi. Osylaısha «Barselona» 4:0 esebimen jeńiske jetti.
Al «Real Madrıd» búgin óz alańynda «Eıbar» komandasynan 3:1 esebimen basym tústi. Koroldik klýb sapynan Tonı Kroos 4, Serhıo Ramos 30, Marselo 37-mınýttarda mergendik tanytty. Oǵan «Eıbar» oıynshysy Pedro Bıgas 60-mınýtta jalǵyz golmen jaýap qaıyrdy.
Atalǵan týrdan keıin týrnır kestesinde ózgeris bolǵan joq. «Barselona» 28 oıynnan keıin 61 upaımen burynǵysynsha kósh basynda tursa, odan nebári úsh upaı kem jınaǵan «Real Madrıd» ekinshi orynda keledi.
Kelesi týr 15-18 maýsym kúnderi aralyǵynda ótkiziledi. Bul joly óz alańynda «Barselona» «Leganesti», «Real Madrıd» «Valensııany» qabyldaıdy.
Sondaı-aq, fýtboldan Italııa chempıonaty 20 maýsymda qaıta jalǵasady. Al fýtboldan Anglııa Premer-lıgasy 17 maýsymda bastalady. Germanııa birinshiligi mamyr aıynyń ortasynan bastap ótkizilip keledi.
