Úsh áıeldi óltirgen qandyqol qylmyskerdiń soty jabyq ótedi
ALMATY. QazAqparat - Almatyda úsh áıeldi pyshaqtap óltirgen Zamaldın Paltýevtyń isi sotqa berildi, dep habarlaıdy QazAqparat tilshisi.
Sot protsesi jabyq rejımde ótedi. Іs materıaldaryna sáıkes, 35 jastaǵy Zamaldın Paltýev áıelderdi óltirip qana qoımaı birneshe ret zorlaǵan.
Eske sala keteıik, jantúrshigerlik qylmys Jetisý aýdanynda jeltoqsannyń 1-nen 2-sine qaraǵan túni bolǵan.
Kúdikti ápkeli-sińlili eki áıeldi óltirip, úıdi órtep ketken.
Oqıǵa ornynda áıelderdiń kórshisi de bolǵan. Kórshilerine kómekke kelgen er adamdy qylmysker basynan uryp taldyrǵan.
Keıin belgili bolǵandaı, qandyqol qylmysker izdeýde júrgen kezinde taǵy bir áıeldi baýyzdap úlgergen.
