Úsh aıdyń ishinde Qazaqstanda JKO saldarynan 400-den asa adam qaza tapqan

ASTANA. QazAqparat - Qazaqstan Respýblıkasy Bas prokýratýrasy Quqyqtyq statıtıska jáne arnaıy esepke alý jónindegi komıtetiniń málimetterine sáıkes, respýblıka boıynsha 2016 jyldyń 3 aıynda 2015 jyldyń osyndaı kezeńimen salystyrǵanda jol-kólik oqıǵasy 3,1 paıyzǵa tómendegen.

Elimizdiń joldarynda  3570 jol-kólik oqıǵasy bolyp, onda 5013 adam zardap sheken, onyń ishinde 403 adam qaıtys boldy, al ótken jyldyń osyndaı  kezeńinde 3686 jol-kólik oqıǵasy tirkelip,  onda  5112  adamnyń densaýlyǵyna zaqym kelgen, onyń ishinde 440-y qaıtys bolǵan.

JKO saldarynan 767 kámeletke tolmaǵan bala jaraqat alyp, olardyń 24-i qaza tapqan.

Statıstıkalyq kórsetkishterge qaraǵanda, jol apattarynyń sebepteri  ózgermeıdi. Jalpy, 90%-dan artyq JKO Jol qozǵalysy erejelerin buzatyn júrgizýshilerdiń kinásinen bolady. Sonymen, olardyń kinásinen 3383 apat jasalǵan, onyń ishinde 101-i alkogoldik jáne esirtkilik mas kúıinde bolǵan júrgizýshilerdiń kinásinen oryn alǵan.

Eń kóbi - 1068 JKO jyldamdyqty arttyrýdan boldy, sonyń saldarynan 156 adam qaza bolyp, 1259-y jaraqattandy.

Manevr jasaý erejelerin buzǵany úshin 616 JKO-da 32 adam qaza taýyp, 774-i jaraqattandy, qarsy qozǵalys jolyna shyǵý saldarynan bolǵan 40 JKO-dan 11 adam qaza bolyp, 97-i jaraqattandy.

Kóp bóligi nemese 1624 JKO júrginshilerdi soǵyp ketýi saldarynan, 1259-kólik quraldarymen soqtyǵysýdan jáne 211 - aýdarylý saldarynan boldy.

Qoǵamdyq kóliktiń qatysýymen 268 JKO bolyp, onda 17 adam qaza boldy, 334-i jaraqattandy.