Úsh aıda Ózbekstan ekonomıkasynyń 2,8 mlrd dollary kóleńkede qaldy
TAShKENT. KAZINFORM – Bıyl alǵashqy toqsanda Ózbekstanda baqylanbaıtyn ekonomıkanyń kólemi 102,7 trln sýmǵa (shamamen $8,5 mlrd) jetip, ol ishki jalpy óniminiń 22,9 paıyzyna teńeldi, dep habarlaıdy Kazinform agenttiginiń Tashkenttegi menshikti tilshisi.
Ulttyq statıstıka komıtetiniń málimetinshe, qarajatyn esepke alý múmkin bolmaı turǵan sektorlardyń kóshin aýyl, orman jáne balyq sharýashylyqtary bastap tur. Máselen, úı sharýashylyqtary men jeke tulǵalardyń tirkelmegen qyzmetinen 69,1 trln sým (ishki jalpy ónimniń 15,4%) beıresmı aınalym júr.
Sonymen qatar qańtar-naýryz aralyǵynda kóleńkeli ekonomıkanyń kólemi 33,6 trln sýmǵa ($2,8 mlrd) jetip, onyń ishki jalpy ónimdegi úlesi 7,5%-ǵa teńeldi.
Toqtala keteıik, baqylanbaıtyn ekonomıka - bul statıstıka organdary tolyq esepke ala almaı otyrǵan aınalymdaǵy qarajat. Oǵan beıresmı jáne kóleńkeli ekonomıka kiredi.
Eske salaıyq, Ózbekstan aldaǵy ýaqytta baqylanbaıtyn ekonomıkanyń úlesin 29%-ǵa deıin tómendetýge nıetti.
Buǵan deıin habarlaǵanymyzdaı, Ózbekstan ekonomıkasynyń 8,3 mlrd dollardan asa qarajaty kóleńkede qalyp otyr.
