Úsh aıda kóshi-qon zańnamasyn buzǵan 987 azamat ákimshilik jaýapkershilikke tartyldy - Qyzylorda oblysy
QYZYLORDA. QazAqparat - Jyl basynan beri kóshi-qon polıtsııasy qurylymdarynyń qyzmetkerleri Qyzylorda oblysy aýmaǵyna túrli maqsattarmen kelgen 4079 shetel azamatyn tirkeýge aldy. Alaıda olardyń 987-si Qazaqstan Respýblıkasynyń zańnamasyn buzǵany úshin ákimshilik jaýapkershilikke tartylsa, 30 shetel azamaty sot sheshimimen el aýmaǵynan shyǵaryldy.
Al respýblıka tóńireginde sheteldik jumys kúshin tartý men paıdalaný erejelerin buzǵany úshin, sheteldikterdiń kóshi-qon zańnamalaryn buzýǵa jol bergeni úshin 94 jergilikti turǵynǵa tıisti sharalar kózdelgen. Bul týraly OІІD baspasóz qyzmeti habarlady.
Aıta keterlik jaıt, Qazaqstan Respýblıkasynyń 2013 jylǵy 10 jeltoqsandaǵy "Qazaqstan Respýblıkasynyń keıbir zańnamalyq aktilerine eńbek kóshi-qony máseleleri boıynsha ózgerister men tolyqtyrýlar engizý týraly" Zańyna sáıkes, jeke tulǵalarǵa jaldanyp, jumys jasaýy úshin sheteldikterge ruqsat berýdiń jeńildetilgen tártibi belgilengen bolatyn.
Atalǵan Zań Qazaqstan Respýblıkasymen úsh aıdan az emes merzimge vızasyz kirý jáne bolý tártibi boıynsha kelisimsharttar jasaǵan TMD elderiniń azamattaryna qatysty.
