Úsh aıda Qazaqstannan Ózbekstanǵa baǵyttalǵan aqsha aýdarymdary 155 mln dollardan asty
TAShKENT. KAZINFORM — Bıyl birinshi toqsanda Ózbekstanǵa shet memleketterden túsken aqsha aýdarymdarynyń kólemi 13%-ǵa ósip, 3,8 mlrd dollarǵa teńeldi, dep habarlaıdy Kazinform agenttiginiń Tashkenttegi menshikti tilshisi.
Ortalyq banktiń málimetinshe, qamtylyp otyrǵan aralyqta Reseıden túsken qarajat 2,75 mlrd dollar boldy. Bul rette onyń jalpy aýdarymdar kólemindegi úlesi 77,6 paıyzdan 72,4 paıyzǵa tómendedi.
Bul rette Ońtústik Koreıadaǵy eńbek mıgranttarynan $155,8 mln (+4,1%) tússe, 3 aı ishinde Qazaqstannan Ózbekstanǵa $155,8 mln (+4,1%) aqsha aýdarymy jasalǵan.
Eske salaıyq, qańtar-mamyr aralyǵynda Qazaqstan men Ózbekstan arasyndaǵy taýar aınalymy 2,2 mlrd dollardan asty.
Munymen birge Ózbekstanda qazaqstandyq kapıtalmen jumys isteıtin kompanııalar qatary kóbeıdi.
Buǵan deıin habarlaǵanymyzdaı, bes aıda 1,2 mıllıonnan astam qazaqstandyq Ózbekstanǵa saıahattap barǵan.
