Úsh aıda qazaqstandyq kásipkerler Ózbekstanda 40-qa jýyq kompanııa qurǵan
TAShKENT. KAZINFORM — Ulttyq statıstıka komıtetiniń 1 mamyrdaǵy esebine saı, Ózbekstanda sheteldik kapıtalmen 19 490 kompanııa jumys istep tur, dep habarlaıdy Kazinform agenttiginiń Tashkenttegi menshikti tilshisi.
Kórshiles elde qytaılyq kásiporyndardyń úlesi basym. Aqpannan bastap olardyń qatary 397-ge kóbeıip, jalpy sany 5 615-ke jetti.
Odan keıin 3 308 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda jalpy sany 2 216 kásiporyn qurǵan.
Sonymen qatar qazaqstandyq ınvestorlardyń da belsendigili baıqalady. Atap aıtqanda, aqpannan mamyrǵa deıin bizdiń el Ózbekstanda 38 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 259-ǵa teńeldi.
Eske salaıyq, bıyl tórt aıda 935 myńnan astam qazaqstandyq demalysyn Ózbekstanda ótkizgen.
Sonymen qatar alǵashqy toqsanda Qazaqstan men Ózbekstan arasyndaǵy taýar aınalymy 1,3 mlrd dollarǵa jetti.
