Úsh aıda ishinde SQO-da 76 myń aǵash otyrǵyzyldy

ASTANA. QazAqparat - SQO-da 10 sáýir-10 shilde aralyǵynda abattandyrý aktsııasy ótti. Shara aıasynda úsh aı ishinde 4 myń shaqyrymnan astam kóshe, 1 375 oqý oryndary men basqa da áleýmettik sala nysandary, 96 187 aýla, 415 saıabaq, 70 demalys aýmaǵy, jaǵajaıdy tazalaý, abattandyrý jumystary júrgizildi.

Sondaı-aq aktsııaǵa qatysýshylar 49,7 myń túp aǵash, 22,4 myń tal otyrǵyzdy, 48,5 myń sharshy metrge gúlzar egilip, aǵashtardyń túbi aǵartyldy, kógal qaıta qyrqyldy.

«Búkilqazaqstandyq aǵash egý kúni» aktsııasy aıasynda oblys jáne Petropavl qalasynyń eldi mekenderinde 4 026 aǵash otyrǵyzyldy, orman alqaptary aımaqtarynda 6,25 ga jerge 22 myńnan astam aǵash egildi.

Oblys aýdandarynda «Taza beısenbi», «Taza jaǵalaý», «Meniń ataýly aǵashym», «Taza aýyl», «Aýyldyń gúldenýi - Qazaqstannyń gúldenýi», «Qamqorlyq», «Beıbit balalyq shaqqa rahmet» uranymen aktsııalar ótýde.

Eldi mekenderde saıabaqtar men gúl baqtaryn abattandyrý aıaqtaldy. Demalys oryndaryna qoqys jáshikteri, sý burqaq, oryndyq, shaǵyn sáýlet nysandary, trenajer keshenderi ornatylyp, aýmaq qorshaldy. Budan basqa, balalar oıyn alańyn jabdyqtaý aıaqtalýda. Barlyǵy aýdanda 64 alań ornatyldy.

Oblys ortalyǵynda abattandyrý boıynsha aýqymdy jumys júrgizildi. Petropavl-Qazaqstan Konstıtýtsııasy kóshelerinde oryndyqtar, shamdar aýystyrylyp, tas tóseldi. Qala qonaqtaryn astana kúni iske qosylǵan jańa mýzykalyq sý burqaq qýanyshqa bóleýde.