Úsh aıda Astana joldarynda 19 bala zardap shekti

Bul týraly búgin Astana qalalyq IID Ákimshilik polıtsııa basqarmasy bastyǵynyń orynbasary Ǵosman Jakın málim etti.

"Kóshe jaǵdaıynda balalar úshin erekshe qaýipti - ol jol. Bul kóbine 12 jasqa deıingi balalarǵa qatysty. Astana qalasy ІІD ÁPB málimetteri boıynsha bıylǵy jyldyń 1-toqsanynda Astana qalasynda 19 bala dene jaraqatyn alǵan 19 jol-kólik oqıǵasy tirkelgen. Onyń ishinde: jaıaý júrginshi balalardy soǵýdyń 16 faktisi jáne balalar JKO jolaýshysy retinde qaýipsizdik belbeýin taǵynbaý saldarynan zardap shegýdiń 3 faktisi", - deıdi Ǵ.Jakın.

Sonymen qatar onyń aıtýynsha, Astana qalasy ІІD ákimshilik polıtsııa Basqarmasymen kámeletke tolmaǵandardyń quqyqtaryn, olardyń densaýlyqtary men ómirlerin qorǵaý máselelerine kóp kóńil bólinýde.

"Mektep demalysy qarsańynda ata-analar men kámeletke tolmaǵandardyń zańdy ókilderin balalarmen bolatyn oqys oqıǵalar týraly aqparattandyrý úshin bizben osyndaı derekterdiń aldyn alý boıynsha keńester ázirlendi. Osy keńester Astana q. ıývenaldyq polıtsııa qyzmetkerlerimen turaqty negizde mektepke deıingi jáne jalpy bilim berý mekemelerinde jetkizilip otyrady", - dep atap ótti