Úsh aıda 1595 kıberqylmys anyqtaldy — ІІM
ASTANA. KAZINFORM — Bıyl 1 shilde men 30 qyrkúıek aralyǵynda elimizde «Hi-tech» jedel-profılaktıkalyq is-sharasy ótti. Nátıjesinde 1595 kıberqylmys anyqtaldy.
Bul týraly QR ІІM Kıberqylmysqa qarsy is-qımyl departamentiniń bastyǵy Jandos Súıinbaı Ortalyq kommýnıkatsııalar qyzmetinde ótken brıfıngte aıtty.
Onyń sózinshe, is-shara kıberqylmystyń aldyn alýǵa, ony ashýǵa jáne qylmystyq shemalarǵa qatysýshylardy anyqtaýǵa baǵyttalǵan.
— Qorytyndysy boıynsha 1595 kıberqylmys anyqtalyp, 1242 is aıaqtaldy. Buryn jasalǵan 917 qylmys ashyldy. Osyndaı áreketter úshin barlyǵy 724 adam ustaldy. Olardyń 22-si — shetel azamaty. 97 adam qamaýǵa alyndy. Sonymen qatar izdeýde júrgen 8 adam ustaldy, — dedi departament basshysy.
Spıkerdiń aıtýynsha, zańsyz ınternet-resýrstardy anyqtaý maqsatynda jelige turaqty monıtorıng júrgiziledi. Bıyl 9 aıda 82 myńǵa jýyq quqyqqa qaıshy resýrs anyqtalyp, buǵattaýǵa jiberilgen.
— Profılaktıkalyq jumys ta jalǵasyp jatyr. Buqaralyq aqparat quraldarynda osy taqyrypta 2,5 mıllıonnan astam materıal jarııalandy. Uıymdarda 104 myń profılaktıkalyq kezdesý ótti, 18 myń azamattar jıyny uıymdastyryldy. 4,7 mıllıonnan astam jadynama men broshıýra taratyldy, — dep tolyqtyrdy ol.
Aıta keteıik, Quryltaı Qazaqstannyń kıberqylmysqa qarsy kúresin kúsheıtetin qujatty qabyldady.
