Úsh aıda 115 myń ózbekstandyq eńbek mıgranty Otanyna oraldy
TAShKENT. KAZINFORM – Jyl basynan beri shetelde júrgen shamamen 115 myń ózbekstandyq eńbek mıgranty Otanyna oraldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan basshysynyń baspasóz qyzmetinen habarlaǵandaı, prezıdent Shavkat Mırzıeev halyqty jumyspen qamtý basty másele ekenin atap ótip, barlyq deńgeıdegi basshylarǵa ony júıeli sheshýdi tapsyrdy.
«Qańtar - naýryz aralyǵynda 58 myń azamat, sáýirde 57 myń ózbekstandyq Otanǵa oraldy. Al jyl sońyna deıin taǵy 250-300 myń adam elge qaıtady dep kútilýde», - dep málim etti Ózbekstan prezıdentiniń baspasóz hatshysy Sherzod Asadov.
Sáıkesinshe Shavkat Mırzıeev jaýapty organdarǵa kóshi-qon boıynsha biryńǵaı aqparattyq platforma qurýdy tapsyrdy. Sonymen qatar shetelde jumys isteıtin jáne qıyn jaǵdaıǵa tap bolǵan ózbekstandyqtardy Otanyna oralǵannan soń jumysqa ornalastyrýǵa járdemdesý mindeti júkteldi.
Qosa ketsek, buǵan deıin Kazinform agenttigi Máskeýde bolǵan teraktiden keıin Ortalyq Azııadaǵy mıgratsııanyń qalaı ózgerýi múmkin ekenin baǵamdap, taldaý jasaǵan edi.
