Úsh aı boıy es-tússiz jatqan jasóspirim Ronaldý golynan keıin komadan shyqty
ASTANA. QazAqparat - Madrıdtik «Realdyń» polshalyq 14 jasar jankúıeri Krıshtıaný Ronaldýdyń golynan keıin komadan shyqty, dep habarlaıdy vesti.kz.
Velosıpedten qulaǵan jasóspirim úsh aı boıy es-tússiz jatqan. Dástúrli em kómektespegen soń amaly taýsylǵan dárigerler erekshe tásilge júginýge bel baılaıdy. Olar balaǵa «Real» men Portýgalııa quramasynyń oıyndaryn tyńdatyp otyrǵan.
Kóp uzamaı bul ádis óz jemisin berdi. Álem chempıonatynyń pleı-off kezeńinde Portýgalııa men Shvetsııa quramalary arasyndaǵy matchta Krıshtıaný Ronaldý dop soqqan mezette bala kózin ashqan eken. Osy aptada Chempıondar lıgasynyń shırek fınaldyq matchynan keıin «Real» jankúıeri Ronaldýmen jolyǵypty. Portýgalııalyq juldyz jasóspirimmen birge sýretke túsip, syılyqqa jeıdesin tabys etti.
