Úsh aı boıy izdeýde bolǵan pavlodarlyq er adam daladan tabyldy
ASTANA. KAZINFORM — Sáýir aıynan beri izdeýde bolǵan Pavlodar oblysynyń turǵyny Qaraǵandy oblysynan aman-esen tabyldy.
Polıtsııanyń málimetinshe, shilde aıynda er adamnyń anasy quqyq qorǵaý organdaryna habarlasyp, ulynyń sáýir aıynda úıden shyǵyp ketkenin, sodan beri oralmaı, baılanysqa shyqpaǵanyn aıtqan.
Jedel-izdestirý sharalary barysynda polıtseıler joǵalǵan azamattyń Qaraǵandy oblysy Saran qalasyna jaqyn dala aýmaǵynda júrgenin anyqtady.
Belgili bolǵandaı, er adam tabys tabý úshin jumysqa ketken. Alaıda jolda uıaly telefonyn joǵaltyp alyp, jaqyndarymen baılanysa almaǵan. Jańa telefon satyp alýǵa múmkindigi bolmaǵandyqtan, birneshe aı boıy habarsyz júrgen.
Pavlodar oblysy polıtsııa departamenti er adamǵa qatysty eshqandaı qylmys nemese quqyq buzýshylyq jasalmaǵanyn málimdedi.
Osyǵan baılanysty tártip saqshylary turǵyndarǵa uzaq ýaqytqa basqa jaqqa ketetin bolsa, bul týraly aldyn ala týystary men jaqyndaryna mindetti túrde habarlaýdy eskertti.
Eske salaıyq, buǵan deıin Mańǵystaýda Beket ataǵa zııarat etýge ketip, iz-túzsiz joǵalǵan azamttar tabylǵanyn jazǵanbyz.
