Úsh aýysymdy mektepter másesin sheshýde oń úrdis bar – Premer-mınıstr
ASTANA. KAZINFORM – Qyrkúıekte 47 jańa mektep ashylady. Bul týraly Úkimet otyrysynda Premer-mınıstr Oljas Bektenov málim etti.
- Memleket basshysynyń tapsyrmasy boıynsha bilim berý nysandaryn salý jáne jańǵyrtý jumystary júrgizilip jatyr. 1 qyrkúıekte 47 jańa mektep, onyń ishinde «Keleshek mektepteri» jobasy aıasynda 20 mektep ashylady. Óńir ákimdikteri oqý jylynyń bastalýyna qaraı olardyń tolyq fýnktsıonaldyq daıyndyǵyn qamtamasyz etsin. Úsh aýysymdy oqytý jáne oqýshy oryndarynyń tapshylyǵy máselelerin sheshýde oń úrdis bar. Óńirler 2026-shy jyldyń sońyna deıin taǵy 64 mekteptiń qurylysyn aıaqtaýy qajet. Olardy pedagog mamandarmen jáne oqý-tehnıkalyq bazamen qamtamasyz etý máselelerin qazirden sheshý kerek, - dedi O. Bektenov.
Sonymen qatar Úkimet basshysy qyrkúıekke deıin elimizdegi 106 mektepte kúrdeli jáne aǵymdaǵy jóndeý jumystary aıaqtalýy tıis ekenin aıtty.
- Birqatar óńirde 13 mektep boıynsha jumys qarqyny baıaý ekenin atap ótemin. Olardyń qatarynda Almaty qalasy, Abaı, Aqmola, Batys Qazaqstan jáne basqa da oblystar bar. Atalǵan óńir ákimderine jóndeý jumystarynyń ýaqtyly aıaqtalýyn tikeleı baqylaýǵa alýdy tapsyramyn, - dedi Premer-mınıstr.
Buǵan deıin habarlanǵandaı, eki oblysta mektepterdiń qaýipsizdik júıesinde kemshilikter anyqtaldy.
