Úsh árpi bar bir japyraq qaǵaz 40 myń dollarǵa baǵalandy
ASTANA. QazAqparat - Avstralııalyq satýshy onlaın-saýda arqyly kók qalamsappen «The» sózi jazylǵan bir japyraq qaǵazdy saýdaǵa qoıyp, shamamen 40 dollar tabysqa qol jetkizdi, dep habarlady News.com.au.
Aýktsıonnyń baspasóz qyzmetiniń jetekshisi lot «erekshe», alaıda zańdy ekenin rastady.
« Sweatyman» nıkti avstralııalyq óziniń erekshe lotyn eBay aýktsıonynda satqan. Ol óz taýaryn usynǵanda, oǵan sıpat bergen: «The» sózin satamyn. Ol A4 forrmatyndaǵy bir japyraq qaǵazǵa kók qalamsappen jazylǵan. Bul sóz myńdaǵan sóılemde qoldanylady». Satýshy «The» sózi bar sóılemderdi de mysalǵa keltirip, lottyń «óte jaqsy» ekenin aıtqan.
Lot túrli zattardyń arasyndaǵy bir japyraq qaǵazdyń sýretterimen tolyqtyryldy. «Noýtbýkte jaqsy kórinedi. Teńiz aıǵulaqtarynyń ásemdigin asha túsedi. Gúlder men fortepıanoǵa erekshe sán beredi», - dep Sweatyman óz taýaryn jarnamalady. Sondaı-aq ol satyp alýshylardy tegin jetkizý qyzmetimen qyzyqtyrǵan.
Óz taýarynyń kemshin tusy retinde Sweatyman «T» árpi túsiniń sál ketýin ǵana ataǵan.
Satyp alýshylardyń ótinish berý merziminiń aıaqtalýyna deıin, tap 25 mamyrda onyń quny 40 myń AQSh dollarynan asqan. 24 mamyrda bul taýardy 10 myń dollarǵa satyp alýǵa daıyn bolǵan. 26 mamyrda lot eBay saıtynan alynyp tastaldy. Ony resýrs ákimshiligi nemese ıesiniń ózi alyp tastaǵany týraly habarlanbady.
