Úsh aptada Afrıkadan tys jerlerde maımyl sheshegin juqtyrýdyń 780 jaǵdaıy tirkeldi
NUR-SULTAN. QazAqparat - Dúnıejúzilik densaýlyq saqtaý uıymynyń málimetinshe, buryn vırýs anyqtalmaǵan elderde maımyl sheshegin juqtyrýdyń 780 jaǵdaıy rastaldy, dep habarlaıdy QazAqparat BBC News-ke silteme jasap.
Bul bir apta buryn halyqaralyq uıym habarlaǵan 257 jaǵdaıdan shamamen úsh ese kóp.
Uıym maımyl sheshegi buǵan deıin atalǵan vırýs anyqtalmaǵan 27 elde taraǵanyn málimdedi. Jańa jaǵdaılardyń kóbi Eýropa men Soltústik Amerıkada, sondaı-aq Meksıka, Argentına, Marokko jáne Birikken Arab Ámirlikterinde tirkelgen.
Aýrý juqtyrý jaǵdaılarynyń eń kóbi Ulybrıtanııada (207), Ispanııada (156) jáne Portýgalııada (138) tirkeldi.
Bul ınfektsııanyń Ortalyq jáne Batys Afrıkadan tys jerlerde birinshi ret taralýy.
