Úsh adamnyń ólimine sebepshi bolǵan shymkenttik ómir boıy kólik júrgizý quqynan aıyryldy

Shymkentte úsh adamnyń ómirin qıǵan jol apatyna kináli er adam ómir boıyna júrgizýshi kýáliginen aıyryldy, dep habarlaıdy QazAqparat.

ІІM málimetinshe, ótken jyldyń kókteminde Toyota Alphard avtokóliginiń júrgizýshisi esirtkige masań kúıde Almaty-Tashkent-Termez tas jolynyń boıymen belgilengen jyldamdyqtan asyryp, tyıym salynǵan baǵdarshamǵa mán bermeı, kólik basqarǵan.

«Ol ál-Farabı kóshesiniń qıylysyna deıin baryp, Hyundai Starex kóligimen soqtyǵysqan. Soqqydan Alfard qarsy jolaqqa shyǵyp ketip, Daewoo Gentra kóligin soqqan. Saldarynan 3 adam oqıǵa ornynda kóz jumdy», - dep jazdy vedomstvodan.

Polıtseıler atalǵan jaıtty QR QK-niń 345-1-baby 4-bóligimen tirkedi.

Oqıǵanyń barlyq mán-jaıyn anyqtap, sotqa deıingi tergep-tekserýdi aıaqtap, qylmystyq is materıaldaryn aıyptaý aktisimen birge sotqa joldady.

Sot úkimimen qylmysker 8 jyl 6 aıǵa bas bostandyǵynan aıyrylyp, ómir boıyna kólik quraldaryn basqarý quqyǵy joıyldy.