Úsh adam zeınetkerdi tonaǵan - QR ІІM
ASTANA. 28 qarasha. QazAqparat - Qostanaı oblysy Áýlıekól aýdanynyń Aqqudyq kentinde bir áıel sybaılastarymen birge ózi tanıtyn zeınetkerdiń úıine qaraqshylyq shabýyl jasady. Bul týraly búgingi brıfıngte QR Іshki ister mınıstrliginiń resmı ókili Nurdildá Oraz málim etti.
«Kúdikti úsheý 72 jastaǵy zeınetkerdiń úıine esikti buzyp kirip, ony pyshaqpen qorqytyp, uryp-soǵady da 12 myń teńge men uıaly telefondy jymqyryp ketedi. Aýdandyq ishki ister bóliminiń qyzmetkerleri 23 jastaǵy eki er azamat pen 31 jastaǵy áıel adamdy quryqtady. Sol áıeldiń atalǵan qaraqshylyq shabýyldy uıymdastyrǵany anyqtaldy. Atalǵan fakti boıynsha qylmystyq is qozǵalyp, tergeý amaldary jalǵasýda», - deıdi N.Oraz.
