Úsh adam poıyz astyna túsip qala jazdady

NUR-SULTAN. QazAqparat – Qazaqstanda táýlik ishinde úsh adam poıyzdyń astyna túsip qala jazdady, dep habarlaıdy QazAqparat tilshisi.

QR ІІM Kóliktegi polıtsııa departamenti bastyǵynyń birinshi orynbasary Qalıjan Qoblandınniń málim etkenindeı, elimizde bir táýlikte temirjol kóligin shuǵyl tejeý boıynsha

onnan astam oqıǵa tirkelgen.

Sonyń ishinde úsh adam poıyzdyń astyna túsip qala jazdaǵan. Bul oqıǵalar Almaty oblysynda, Nur-Sultan jáne Aqtóbe qalalarynda boldy.

Tekserý barysynda ol azamattardyń kólik polıtseıleriniń turaqty eskertýine qaramastan, temirjoldy belgilenbegen jerden kesip ótkeni anyqtaldy.

Abyroı bolǵanda, qyraǵylyq tanytqan mashınıster temirjol quramyn der kezinde toqtatyp, qaıǵyly oqıǵanyń aldyn aldy.

Úsh quqyq buzýshyǵa QR Ákimshilik quqyqbuzýshylyq kodeksi 559-baby 5-bóligine (temirjoldy belgilenbegen jerden kesip ótý) sáıkes hattama toltyryldy.

«Sonymen qatar temirjol mańynda mal baǵý máselesi ózekti bolyp otyr. Poıyzdardy bes ret shuǵyl tejeýdiń arqasynda maldy basyp ketýge jol berilmedi. Áıtse de úı janýarlaryn qaǵyp ketýdiń eki deregi tirkeldi. Temirjol mańynda jaıylyp júrgen mal ıelerine ákimshilik hattama toltyrylyp, aıyppul salyndy», dedi polıtsııa polkovnıgi Q.Qoblandın.

Bıylǵy 14-16 naýryz aralyǵynda osyndaı oqıǵalardyń aldyn alý maqsatynda departamenttiń qyzmet kórsetý aýmaǵynda «Toqtańyz, basyp ketý qaýpi bar!» is-sharasy

ótýde.

Kólik polıtseıleri azamattarǵa temirjol boıynda qaýipsizdik erejelerin qatań saqtaý kerektigin eske salady.