Úsh adam qaza bolǵan Kókshetaýdaǵy jol apaty: Júrgizýshi qamaýǵa alyndy
KÓKShETAÝ. QazAqparat - Aqmola oblysynda 3 adamnyń ómirin qıǵan jol apatyna baılanysty QR QK-niń 345-baby 3-bóligi boıynsha qylmystyq is qozǵaldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Osyǵan deıin habarlaǵanymyzdaı, jol apaty 27 mamyr kúni tańerteńgi saǵat 7 shamasynda Býrabaı aýdany aýmaǵyndaǵy «Astana-Kókshetaý» tasjolynyń boıynda bolǵan. «Hyundai Grand Starex» mınıven júrgizýshisi rýlge ıe bola almaı qalyp, bos turǵan kóliktik baqylaý beketiniń ǵımaratyna soǵyldy. Jol apatynan mashınada otyrǵan 3 adam oqıǵa ornynda kóz jumsa, taǵy 4 adam aýdandyq aýrhanaǵa jetkizilgen bolatyn.
«Osy oqıǵaǵa baılanysty QR QK-niń 345-baby 3-bóligi boıynsha sotqa deıingi is qozǵalyp, saraptama taǵaıyndaldy. Kólik júrgizýshisi ýaqytsha ustaý oqshaýlaǵyshyna qamaldy», - dep túsindirdi ІІD baspasóz hatshysy Ásem Ádirahmanova.
