Úsh adam ajal qushqan jol apatyna kináli júrgizýshi áıel zardap shekpegen
ASTANA. QazAqparat - RF Volgograd oblysy aýmaǵyndaǵy "Volgograd - Kamensk-Shahtınskıı" kúre jolynda bolǵan jol apatynan úsh adam qaza tapty, taǵy biri aýrýhanaǵa jatqyzyldy.
«Apat máskeý ýaqytymen 20:00 shamasynda oryn aldy»,-dep habarlady oblystyq ІІM basqarmasynyń ókili Svetlana Smolıanınova. «Lady-Largýs» mashınasynyń rýlinde bolǵan 56 jastaǵy áıel júk kóligin basyp ozbaq bolǵan sátinde qarsy betke shyǵyp ketip, Volgogradtan Krasnodarǵa bara jatqan Daewoo Nexia-men betpe-bet soǵylǵan. Apat saldarynan sheteldik kólik júrgizýshisiniń 21 jastaǵy áıeli, onyń 11 aılyq nárestesi jáne 27 jastaǵy júrginshi ajal qushty. 21 jastaǵy júrgizýshi aýrýhanaǵa jatqyzyldy.
Smolıanınovanyń aıtýynsha, apatqa kináli áıel zardap shekpegen. Polıtsııa tergeýshileri ony qamaýǵa alý máselesin qarastyryp jatyr.
