Ýseın Bolt tuńǵysh ret kásipqoı fýtbol alańyna shyqty
ASTANA. QazAqparat - Aty ańyzǵa aınalǵan jelaıaq Ýseın Bolt tuńǵysh ret kásipqoı fýtbol alańyna shyqty. Ol avstralııalyq «Sentral Kost Marıners» sapynda «Sentral Kost Selekt» komandasyna qarsy matchtyń 72-mınýtynda jasyl alańǵa aıaq basty. Osy sát taspalanǵan vıdeo ESPN UK YouTube-kanalynda jarııalandy, dep habarlaıdy QazAqparat.
Bolt shyqqanda onyń komandasy 6:0 esebimen jeńip jatqan. Onyń gol salatyn tamasha eki múmkindigi boldy. Alaıda ol qaqpaǵa dopty daryta almady. Oıyn 6:1 esebimen aıaqtalyp, «Marıners» jeńiske jetti.
Sprınt koroli Bolt buǵan deıin birneshe márte fýtbolshy retinde baq synap kórmek bolyp talpynǵan. Alaıda komanda tappaı biraz júrdi.
Ýseın Bolt - 8 dúrkin Olımpıada, 11 dúrkin álem chempıony. Ol 100 metr (9,58 sekýnd) jáne 200 metr (19,19 sekýnd) qashyqtyqqa júgirýden Jer sharyndaǵy qazirgi rekordtyń ıegeri. ıAmaıkalyq sportshy jeńil atletıkadaǵy sporttyq mansabyn 2017 jylǵy álem chempıonatynan keıin aıaqtaǵan bolatyn.
