USDT krıptovalıýtasyn qolma-qol aqshaǵa zańsyz satqan elorda turǵyny ustaldy

Elorda turǵyny Telegram messendjerinde tsıfrlyq aktıvterdi zańsyz aqshalaı syıaqyǵa aıyrbastaý qyzmetin uıymdastyrǵan, dep habarlaıdy QMA baspasóz qyzmeti. 

Asa iri kólemdegi tsıfrlyq aktıvterdi aıyrbastaý salasyndaǵy zańsyz kásipkerlik qyzmetke qatysty qylmystyq isti QMA astanalyq departamenti aıaqtady.

Atalǵan azamattyń Qazaqstan aýmaǵynda kepildendirilgen tsıfrlyq aktıvterdi satý/satyp alý týraly messendjer arqyly habarlandyrý jiberip, krıpto aıyrbastaý qyzmetin usynǵany anyqtaldy.

Osy áreketterimen ol jeke tulǵalarǵa, onyń ishinde rezıdent emesterge Qazaqstandaǵy kez kelgen qamtamasyz etilgen erkin aıyrbastalatyn valıýtaǵa qamtamasyz etilmegen elektrondyq tsıfrlyq aktıvterdi satyp alý múmkindigin usyndy.

Aǵymdaǵy jyldyń aqpan-shilde aılary aralyǵynda aıyrbastaý pýnkt qyzmetin atqara otyryp, ol 342 mln teńgeden astam somaǵa USDT krıptovalıýtasyn qolma-qol aqshaǵa satqan.

QR QPK 201-babynyń talaptaryna sáıkes, sotqa deıingi tergep-tekserýdiń ózge de derekteri tergeý múddesi aıasynda jarııa etilýge jatpaıdy.