Ýsama ben Ladenniń kózin joıý jaıly kitap avtory AQSh úkimetine $6,6 mln tóleıdi
ASTANA. QazAqparat - Pákistandaǵy «Ál-Kaıda» terrorlyq tobynyń jetekshisi Ýsama ben Ladenniń kózin joıý operatsııasy jaıynda kitap jazǵan amerıkalyq arnaıy jasaqtyń otstavkadaǵy jaýyngeri qol qoıylǵan qupııa aqparatty taratpaý týraly kelisimdi buzǵany úshin AQSh bıligine $6,6 mln tóleıdi.
Bul týraly jumada Associated Press (AP) agenttigi habarlady.
Úkimet Bıssonett (avtoryn Mark Oýen búrkenshik esimmen shyǵarǵan) kitap jaryq kórer aldynda AQSh qorǵanys mınıstrligi men basqa vedomstvolarǵa ony yqtımal qupııa málimetterdiń bolýy turǵysynan retsenzııalaýǵa múmkindik bermegenin málimdedi.
Mámileniń sharttaryna sáıkes Bıssonett tórt jyl ishinde bılikke $6,6 mln tóleýge mindetteledi. Bul burynǵy qyzmetkerdiń kitapty satýdan túsirgen paıda somasyna teń.
Ýsama ben Laden 2011 jyly 2 mamyrda birneshe jyl jasyrynyp jatqan pákistandyq Abbotabad qalasynda amerıkalyq arnaıy jasaqtyń qupııa operatsııasy nátıjesinde óltirildi.
