Ýsama ben Ladenniń inisiniń kompanııasy álemdegi eń bıik munara salady
ASTANA. 4 tamyz. QazAqparat - Arabtyń sheıhteri óz baılyqtarymen álemdi tańǵaldyrýda, olar shól dalada jasandy jańbyr jaýdyrý úshin mıllıondaǵan dollar jumsaıdy, túgel bir aral satyp alyp, eń qymbat kemelerde júredi.
Osy joly Saýd Arabııasynan shyqqan hanzada Ál-Valıd ıbn Talal álemdegi eń iri munara qurylysyna tapsyrys berip, kózge tústi, dep habarlaıdy RBK agenttigi.
Jaqyn kúnderi arabtyq mıllarderge tıesili Kingdom Holding ınvestıtsııalyq kompanııa Saudi Binladin Group kompanııasymen 1 myń metr bıiktiktegi munara salý týraly kelisimshart jasaǵany belgili boldy.
Álemdegi eń bıik munara 1,2 mlrd. dollarǵa salynbaqshy.
Eń qyzyǵy, munarany salýǵa tapsyrys alǵan kompanııa «Ál-Kaıdanyń» burynǵy basshysy, álemdegi birinshi lańkes degen ataq alǵan, qaza tapqan Ýsama ben Ladenniń týystaryna tıesili. Saudi Binladin Group kompanııasynyń negizin 1931 jyly lańkestiń ákesi Mohammed ben Laden Saıd qalaǵan. Al qazir kompanııany lańkestiń inisi Bakr ben Laden basqaryp otyr.
